Truku me aromë që do të ‘transformojë’ gjumin tuaj

Gjumi është thelbësor për shëndetin dhe mirëqenien tonë.

Sipas autoriteteve shëndetësore një i rritur mesatar ka nevojë për shtatë deri në nëntë orë gjumë për të funksionuar siç duhet.

Megjithatë, shumica e njerëzve përballen me vështirësi për të realizuar këtë sasi të gjumit dhe gjithashtu e kanë të vështirë të bien lehtësisht në gjumë.

Një ekspert ka zbuluar një truk të thjeshtë por të pazakontë që mund të mos e keni provuar ende.

Sipas Petar Peric, një ekspert i aromave nga Chez Pierre, vendosja e parfumit në shtrat mund të ndihmojë në përmirësimin e gjumit.

“Aromat luajnë një rol të rëndësishëm në efektet fiziologjike të humorit dhe stresit”, tha ai për Express.co.uk.

“Duke përdorur aromën tuaj të preferuar, ju mund të ngjallni ndjenja lumturie dhe relaksi, të cilat mund të përmirësojnë cilësinë e gjumit”.

“Ne përdorim aromat gjatë gjithë kohës për të rritur disponimin tonë gjatë ditës, kështu që ia vlen të provoni aromat në rutinën tuaj të gjumit nëse keni vështirësi për të fjetur”.

Aromat që duhen shmangur

Ndërsa parfumet mund t’ju bëjnë të ndiheni të lumtur që mund t’ju ndihmojnë të bini në gjumë, ka disa aroma që duhet t’i shmangni, sipas Petar.

Ai tha: “Të gjithë janë të ndryshëm, kështu që për të gjetur parfumin që ju relakson mund të bëni pak praktikë, por në përgjithësi do t’ju këshilloja që të mos përdorni parfume që ju rigjallërojnë pak para gjumit.

“Shmangni çdo parfum që përmban bazë agrume, mente ose limoni, pasi këto janë aroma energjike që mund t’ju zgjojnë, këto aroma mbahen më mirë për mëngjes.

Parfumet që mund t’ju relaksojnë

Grekët e lashtë përdornin aromat për të kuruar pagjumësinë dhe livanda në veçanti është përdorur për të përmirësuar cilësinë e gjumit dhe për të rritur kohën e kaluar në gjumë të thellë.

Nëse nuk keni një parfum me nota livande, ka aroma të tjera që mund t’i përdorni për t’u çlodhur.

Petar tha: “Druri i sandalit, bergamoti, kamomili dhe vanilja janë aroma që mund të përdoren për të ndihmuar në relaksimin dhe gjumin.

“Vanilja, për shembull, është një aromë ngushëlluese që mund të qetësojë mendjen dhe trupin që mund të nxisë relaksimin dhe të reduktojë nivelet e stresit.

“Druri i sandalit është një aromë që nxit ndjenjën e paqes së brendshme, bergamoti mund të lehtësojë ankthin, ndërsa kamomili konsiderohet gjerësisht si nxitës i gjumit”.

Ai këshillon që nëse keni probleme me gjumin, duhet të provoni se cila aromë funksionon më mirë për ju. /Telegrafi/