Tri projektet që do t’i përfshijë marrëveshja 236 milionë dollarëshe me SHBA-në

Kosova, e përaqësuar nga ministrja e Ekonomisë, Artane Rizvanolli, e nënshkroi në Kongresin Amerikan marrëveshjen me Shtetet e Bashkuara, të përfaqësuara nga kryeshefja ekzekutive e Korporatës së Sfidave të Mijëvjeçarit, Alice Albright.

Programi Kompakt i kësaj marrëveshjeje në vlerë 236.7 milionë dollarëshe, është vlerësuar lart nga krerët e shtetit, presidentja Vjosa Osmani dhe kryeministri Albin Kurti.

“Programi Kompakt do të përfshijë tri projekte: Rezerva dhe arbitrazh të energjisë prej 340 MWh, zhvillimin e fuqisë punëtore, me theks të veçantë në përfshirjen e grave në sektor të energjisë, si dhe projektin e Institucionit Amerikan të Katalizatorit për Zhvillim, i cili ka për qëllim të nxisë financimin e sektorit privat nga Korporata Financiare e Zhvillimit Ndërkombëtar (DFC) të Shteteve të Bashkuara në Kosovë”, njofton ZKM.

Kjo marrëveshje pritet të ratifikohet sot në Kuvendin e Kosovës.