Tevide Imeri zgjidhet kryetare e Federatës së Sindikatave të Shëndetësië

Tevide Imeri është zgjedhur të premten kryetare e Federatës Sindikale së Shëndetësisë së Kosovës.

FSSHK përmes një komunikate për media ka njoftuar se në pozitën e nënkryetarit do të jenë Bajram Kryeziu dhe Blerim Delija, ndërsa Naim Sahiti do të jetë kryetar i Këshillit Drejtues.

Për zgjedhjen e udhëheqësisë së re të federatës kanë votuar për 111 delegatë, asnjë kundër dhe asnjë nuk ka abstenuar.

“Kongresi i FSSHK-së mbylli punimet pas miratimit të rezolutave nga ana e delegatëve të pranishëm: Rezoluta mbi migrimin e punëtorëve, Rezoluta për Komitetin e Gruas, Rezoluta për Komitetin Rinor”, thuhet në njoftimin për media.

Imeri do ta pranojë detyrën nga tashmë ish-udhëheqësi i FSSHK-së, Blerim Syla, javën e ardhshme.

Mandati i kryetarit të FSSHK-së është pesëvjeçar./Telegrafi/