Të enjten prindërit protestojnë në Prishtinë kundër mbylljes së çerdheve

Prindërit kanë shprehur pakënaqësi për mbylljen e çerdheve publike, duke paralajmëruar protestë në kryeqytet.

Këshilli i Prindërve të Institucionit Parashkollore “Gëzimi Ynë”në Prishtinë, përmes një njoftimi ka bërë të ditur se do të mbajnë marsh gjatë të entjes.

Protesta do të nisë para Qeverisë në ora 12:00, ndërsa do të vazhdohet në drejtim të Konviktit të Studentëve në drejtim të zyrave të SBASHK-ut.

Ndërkaq greva e BSPK-së ka nisur që nga 25 gushti, dhe ende nuk ka dakordim me Qeverinë për kërkesat e tyre.

Sindikalistët e arsimit, që organizojnë grevën, thonë se nuk do të heqin dorë, derisa të plotësohet kërkesa e tyre për mbështetje financiare prej 100 eurosh në muaj për të gjithë punonjësit e arsimit, deri në fillimin e zbatimit të Projektligjit për paga.

Greva, ka lënë jashtë shkollave afro 300.000 nxënës./Telegrafi/