Takim tjetër mes Kurtit e Borrellit

Korrespodenti i KOHËS në Bruksel, Augustin Palokaj, ka raportuar të enjten në mbrëmje se pas takimeve njëpalëshe me kryeministrin e Kosovës, Albin Kurti, dhe me presidentin e Serbisë, Aleksandar Vuçiq, ka nisur një tjetër takim i Kurtit me përfaqësuesin e lartë të Bashkimit Evropian, Josep Borrell.

Ai ka thënë se nuk pritet që të ketë takim trepalësh Kurti-Borrell-Vuçiq.

Pas takimit të dytë, pritet që Kurti të prononcohet për media.

Në anën tjetër, pas takimit me Borrellin, presidenti i Serbisë, Aleksandar Vuçiq, ka thënë se ka dhënë raport për “keqtrajtim të serbëve të Kosovës”. Ai nuk ka pranuar të thotë nëse ky takim do të ndihmojë apo jo.