Sveçla thotë se situata është e tensionuar, kush po përpiqet ta ndezë Veriun sipas ministrit?

Ministri i Punëve të Brendshme, Xhelal Sveçla tha se situata është e tensionuar në veri të vendit, raporton Gazeta Express.

Në një konferencë për media pas mbledhjes së sotme të Qeverisë, Sveçla tha se kjo po ndodhë pasi “strukturat kriminale atje janë të pakënaqura”.

“Rezistenca e këtyre grupeve herë ka qenë edhe e armatosur, e herë ka qenë e veshur me petk politik nga Beogradi zyrtar”, tha Sveçla.

Ai përmendi aksionet e Policisë dhe vështirësitë e operimit në atë pjesë.