Sofia Vergara shijon një natë në New York, teksa tregon stilin e saj elegant pas ndarjes nga Justin Saliman

Sofia Vergara, 52 vjeçe dhe beqare, shkëlqeu në një natë të shijuar me miqtë në New York, duke postuar një seri fotografish të ndezura.

Ajo u paraqit në një korse dantelle ngjyrë gështenje që theksonte dekoltenë dhe një palë pantallona lëkure të zeza, të cilat i përshtateshin përsosur trupit të saj.

Ylli i “Modern Family” shkëlqeu me një grim glamuroz dhe flokë karamele të stilizuara në kaçurrela të gjalla, ndërsa e kompletoi pamjen me bizhuteri të shndritshme, shkruan DailyMail.

Në Instagram, Sofia postoi një selfie me mbishkrimin “Ready pal Party”.

Kjo vjen pas hedhjes poshtë të thashethemeve për ndarjen nga kirurgu ortoped Justin Saliman, me të cilin u lidh pas një viti.

Në tetor, Sofia tregoi për ‘US Weekly’ se ndihej “një lloj beqare”, duke pranuar se New York-u është vendi ideal për takime për shkak të larmisë së njerëzve që ka.

Sofia dhe Justin filluan lidhjen e tyre në tetor 2023, dhe e konfirmuan atë me disa foto nga pushimet në Itali.

Para kësaj lidhjeje, aktorja ishte e martuar me Joe Manganiello, ndërsa Justin kishte një divorc me aktoren Bree Turner në 2018. /Telegrafi