Rikthehet WhatsApp, pas një ndërprerje prej dy orësh

WhatsApp ra nga sistemi në një ndërprerje të madhe që preki aplikacionin e komunikimit për dy orë sot.

Tani raportohet nga mediet e huaja se shërbimet e WhatsApp po i kthehen funksionimit, transmeton Telegrafi.

Më herët, u raportua se problemet në aplikacionin përfshinin pranimin dhe dërgimin e mesazheve.

“Ne jemi të vetëdijshëm se disa njerëz aktualisht kanë probleme me dërgimin e mesazheve dhe po punojmë për të rivendosur WhatsAppin për të gjithë sa më shpejt të jetë e mundur”, tha zëdhënësi i Meta-s, Joshua Breckman në një deklaratë fillestare për The Verge.

Kjo ishte ndërprerja e parë e madhe e WhatsApp që kur shërbimi ra nga sistemi si pjesë e një ndërprerjeje masive që rrëzoi gjithashtu nga sistemi aplikacionet sikurse Instagram, Messenger, Oculus dhe Facebook vitin e kaluar.

Kjo ndërprerje zgjati gati gjashtë orë para se të zgjidhej dhe WhatsApp të ishte përsëri në linjë. Meta, i njohur si Facebook në atë kohë, tha se ndërprerja e madhe ishte për shkak të një ndryshimi të konfigurimit në ruterat e tij. /Telegrafi/