Qeveria miraton nismën për njohjen dhe konvertimin e patentë shoferëve mes Kosovës dhe Emirateve të Bashkuara Arabe

Në mbledhjen e 188 të Qeverisë së Kosovës është miratuar nisma për njohjen dhe konvertimin e patentë shoferëve mes Kosovës dhe Emirateve të Bashkuara Arabe, shkruan Reporteri.net.

Zëvendësministri i Punëve të Brendshme, Blerim Gashani tha se një gjë e tillë do të lehtësojë qarkullimin rrugor për shtetasit e të dyja palëve.

“Bashkëpunimi në fushën e patentë shoferëve me shtetet mike. Në këtë frymë është edhe nisma për lidhjen e momerandumit për njohjen dhe konvertimin e patentë shoferëve mes shtetit tonë dhe Emirateve të Bashkuara Arabe, me qëllim të lehtësohet qarkullimi rrugor për shtetasit e të dyja palëve, duke dëshiruar që me anë të kësaj marrëveshje qytetarët që jetojnë atje të kenë mundësi që patentë shoferin e Kosovës, ta zëvendësojnë me atë të Emirateve të Bashkuara Arabe”, tha Zëvendësministri i Punëve të Brendshme, Blerim Gashani.