Publikohen pamje nga takimi Kurti-Vuçiq

Takimi i tretë i nivelit të lartë në kuadër të dialogut Kosovë-Serbi në mes kryeministrit të Kosovës, Albin Kurti dhe presidentit të Serbisë, Aleksander Vuçiq tashmë ka filluar.

Në takim përveç dy liderëve të te dy vendeve do të marrin pjesë edhe Përfaqësuesi i Lartë i Bashkimit Evropian, Josep Borrell, si dhe i Dërguari i Posaçëm i BE-së, Miroslav Lajçak.

Nga fillimi i takimit janë shpërndarë fotografi.

Përfaqësuesi i lartë i BE-së për Politikë të Jashtme, Josep Borrell, ka thënë se pret konstruktivitet nga të dy palët në takimin e sotëm të nivelit të lartë ndërmjet Prishtinës e Beogradit.

Borrell ka thënë se është koha të ecet përpara drejt normalizimit të plotë të marrëdhënieve ndërmjet Kosovës e Serbisë, shkruan Reporteri.net.

“Kam thirrur për këtë mëngjes takimin e Dialogut të nivelit të lartë Beograd-Prishtinë. Tensionet e fundit në veri të Kosovës kanë treguar sërish se është koha për të ecur përpara drejt normalizimit të plotë. Unë pres që të dy udhëheqësit të jenë të hapur dhe fleksibël për të gjetur gjuhën e përbashkët”, ka shkruar Borrell. /Reporteri.net