Publikohen pamje brenda takimit: Kurti me liderët e opozitës, i pranishëm edhe Sveçla

Kryeministri Albin Kurti, sot i ka takuar liderët e tri partive opozitare.

Në takim ishte edhe ministri i Brendshëm Xhelal Sveçla.

Me të nisur takimi, kreu i AAK-së Ramush Haradinaj ka lëshuar takimin, pasi siç ka thënë, Kurti nuk ka treguar pse i ka prishur mardhëniet me Amerikën.

“Edhe pse isha pjesë e takimit me kryeministrin Kurti, u detyrova ta lëshoj takimin, sepse Kurti mbante ligjërata e nuk na sqaronte se përse ka prishur raportet me Amerikën dhe përse nuk po kthehej që të realizojë kërkesën e tyre”, shkroi Haradinaj në një status në Facebook.

Po ashtu edhe kryetari i LDK-së, Lumir Abdixhiku, ka kërkuar koordinim urgjent me ShBA-në, ndërsa tha se Kurti s’ka plan për veriun.