Pse zemërohemi kur jemi të uritur

Kur të shihni dikë të zemëruar, mos dilni menjëherë në përfundime, por pyeteni nëse ka ngrënë. Nuk është një mit!

Ndonëse deri më tani është besuar se nervozizmi prej urisë është thjesht një ekzagjerim i personit, shkencëtarët kanë vërtetuar të kundërtën.

Gjendja e ankthit në momentin që nuk jeni ushqyer është në fakt e vërtetë. Niveli i glukozës bie dhe kjo ndikon në ndryshimin e humorit.

“Isha skeptike kur njerëzit më thoshin se mërziteshin dhe bëheshin nervozë kur nuk hanin dhe tani i besoj fare mirë. Mungesa e glukozës shkakton stres si fizik ashtu edhe psikologjik”, shprehet njëri prej psikologëve të studimit.

Nëse nuk ushqeheni siç duhet, humori i keq do t’ju shoqërojë gjithë kohës dhe ky fenomen nuk është më një mit.