Pse sezoni i alergjive ka nisur më herët këtë vit?

Sezoni i alergjive ka nisur në fillim të këtij viti, siç theksojnë shkencëtarët amerikanë. Kjo tendencë vjen si pasojë e rritjes së temperaturës mesatare të planetit.

Tani, shkencëtarët po vëzhgojnë nivele më të larta sezonale të polenit në atmosferë me shumë që ankohen se simptomat e tyre të alergjisë ose astmës po përkeqësohen herë pas here.

“Ndërsa temperatura mesatare globale është rritur vitet e fundit për shkak të ndryshimeve klimatike, sezoni i alergjive në SHBA ka filluar më herët pasi sasia e shtuar e polenit që po përjetojmë ka shkaktuar alergji të rënda dhe simptoma të astmës tek disa qytetarë. Intensiteti i simptomave është rritur, që do të thotë se për të përballuar problemin, tani është e nevojshme të merret një pilulë në ditë, ndoshta në kombinim me një sprej anti-inflamator të hundës”, thotë profesor John Costa, drejtor mjekësor i Departamenti i Alergjisë dhe Imunologjisë Klinike në Brigham dhe Spitalin e Grave, Boston.

“Kjo është kryesisht për shkak të ngrohjes globale”, siç nënvizohet në studim. “Kushtet e lagështa dhe të ngrohta favorizojnë rritjen më të madhe të bimëve dhe kjo nga ana tjetër nënkupton një rritje të sasisë së polenit ”, shpjegon kreu i kërkimit, John Costa.

Ai shton gjithashtu se, për të reduktuar simptomat e alergjisë, është e rëndësishme që njerëzit të marrin një ilaç në baza ditore në vend që të presin që të shfaqen simptomat e para.

“Alergjitë nuk nënkuptojnë vetëm kruajtjen e syve apo rrjedhjen e hundës. Është një inflamacion i rrugëve të sipërme të frymëmarrjes. Kur ka inflamacion, duhet shumë më tepër punë për të lehtësuar ata që vuajnë ”, thotë shkencëtari amerikan./abcnews.al