Pse drita e kaltër është e rrezikshme për shikimin tuaj?

Zbatoni këto këshilla dhe mbroni shëndetin e syve tuaj

Drita e kaltër është pjesa e spektrit të dritës së dukshme që ka gjatësinë e valës më të shkurtër dhe vlerën e lartë të energjisë

Ekspozimi i zgjatur ndaj dritës blu mund të çojë në lodhje të syve, sy të thatë, dhimbje koke, vështirësi në përqendrim dhe pagjumësi, transmeton Telegrafi.

Rekomandohet gjithashtu pushim i rregullt për sytë gjatë punës në kompjuter ose pajisje të tjera elektronike.

Në një studim, ekspertët suedezë nga Universiteti Mid, zbuluan se drita blu aktivizon kujtesën, përmirëson përqendrimin dhe rrit reagimet e trupit. Ka një efekt të fortë në trup, duke rritur disa funksione biologjike. Kjo është arsyeja pse drita blu përdoret gjithnjë e më shumë për të trajtuar sëmundje të ndryshme.

Në Spitalin Universitar Gjerman në Heidelberg, mjekët përdorin dritën blu për të lehtësuar dhimbjen. E përdorin edhe dentistët. Ekspozimi i zgavrës me gojë në dritën blu për vetëm dy minuta shkatërron bakteret që shkaktojnë erën e keqe të gojës.

Drita e kaltër ka një efekt pozitiv në stimulimin e sintezës së energjisë në nivel qelizor, reduktimin e viskozitetit të gjakut, rritjen e mikro- dhe makroqarkullimit, forcimin e mureve të enëve të gjakut dhe rigjenerimin e qelizave.

Drita e kaltër vepron në organizëm si një stimulues i fortë dhe në të njëjtën kohë i padëmshëm.

Ekspertët paralajmërojnë se duhet përdorur vetëm gjatë ditës dhe asnjëherë gjatë natës, sepse ndikon negativisht në gjumin. Kjo për shkak se redukton prodhimin e melatoninës “hormonit të gjumit”, i cili sekretohet gjatë natës. Prandaj para se të flini duhet të fikni të gjitha pajisjet në dhomën e gjumit që lëshojnë këtë dritë, e cila ka të bëjë me televizorët, kompjuterët etj. /Telegrafi/