Pronari i një shtëpie në Uells urdhërohet të largojë portat me ‘cilësi të lartë’ pasi dizajni ‘nuk pasqyron karakterin rural të zonës’

Një pronar shtëpie në Uells është urdhëruar të largojë portat e tij pasi zemëroi fqinjët.

Sipas mediave të huaja, përcjell Telegrafi, David Holman shpenzoi shumë para duke “instaluar” hyrjen prej alumini në pronën e tij në Croesyceiliog, Monmouthshire, për t’u ndjerë më i sigurt pasi u abuzua verbalisht nga një i huaj.

Portat moderne “mburren me një efekt të cilësisë së lartë” në hyrje të shtëpisë së tij të ëndrrave në fshat.

Por 53-vjeçarit që atëherë i është thënë se ata nuk ‘pasqyrojnë karakterin rural të zonës’, raportoi Wales Online.

Andaj, zyrtarët e planifikimit nga Këshilli i Qarkut Monmouthshire e kanë urdhëruar tani që të largojë portat.

Biznesmeni u zhvendos në hapësirën rurale në vitin 2019 për të shijuar një jetë të qetë me partneren dhe tre qentë.

Inspektorja e planifikimit Janine Townsley ka theksuar se “mbrojtja e mjedisit rural të rrugës” ishte më e rëndësishme sesa masat e tij të sigurisë. /Telegrafi/