Prokuroria kërkon masën e paraburgimit të reperit Fero

Reperit Fero, emri i vërtetë i të cilit është Feronit Shabani, i është caktuar sot (e martë) masa e paraburgimit nga Prokuroria Themelore e Gjilanit.

Lajmin për Telegrafin e ka konfirmuar kryeprokurori i Gjilani, Arben Kadriu.

“Sot me date 26. Korrik 2022, Prokuroria Themelore ne Gjilan, brenda afatit ligjor, ka parashtruar kërkesën për caktimin e paraburgimit kundër të pandehurit Feronit Shabani, për shkak të veprës penale ‘Sulmi’. Kërkesa për caktimin e Paraburgimit është dorëzuar ne Gjykatën Themelore në Gjilan, e cila pritet të mbajë seancën dëgjimore”, thuhet në njoftimin e prokurorit.

Pamje nga momenti i dhunës së ushtruar nga Fero ndaj qytetarit në veturën e tij (Foto: Nacionale)

Mbi reperin Fero rëndon akuza e sulmit, pasi ditë më parë u publikua një video-incizim ku i njëjti shihej duke ushtruar dhunë mbi një qytetar në veturën e tij.

Avokati mbrojtës i reperit gjilanas, Egzon Halimi, tha të hënën për Telegrafin se Fero ka shprehur pendesë për veprën e kryer.

“Ai për momentin është në ndalim dhe tash pritet se çfarë vendimi do të marrë gjykata. Ndaj tij është ngritur akuzë për sulm, tani të shohim. Vet klienti është i penduar për veprën që ka bërë”, ishte shprehur avokati. /Telegrafi/