Policia apelon tek qytetarët për kujdes të shtuar ndaj zjarreve – për zjarrvënie të qëllimshmshe do të merren masa ndëshkuese

Fillimi i gushtit u karakterizua me zjarre të shtumta në disa komuna të Kosovës.

Policia e Kosovës ka njoftuar se me datёn 06.08.2022, Policia ёshtё informuar pёr njё zjarr afёr fshatit Deiq-Klinё.

Po ashtu edhe me datёn 09.08.2022, nё fshatin Tomoc-Istog, jemi njoftuar pёr njё zjarr aksidental, ku si pasojё sipas tё dëmtuarit ёshtë djegur sasi e konsiderueshme e ushqimit të kafshëve.

Duke iu referuar temperaturave të larta, se zjarret potencialisht përhapen shumë shpejt dhe po ashtu shkaktojnë rrezikim të përgjithshëm dhe pasoja të rënda kudo që shfaqen.

Policia e Kosovës ka bërë të ditur se po ndërmerr masa të vazhdueshme ligjore ndaj të gjithë atyre individëve që në një formë apo tjetër rrezikojnë jetën apo pronën e qytetarëve, qoftë qëllimisht apo përmes pakujdesisë së shfaqur në çfarëdo forme.

“Ne nё vazhdimsi kemi apeluar tek tё gjithё qytetarёt tё cilёt frekuentojnё zonat malore tё rajonit tё Pejёs, qё maksimalisht tё jenё tё kujdesshёm nga çdo aktivitet qё mund tё shkaktojë zjarre gjatё pёrdorimit si (shkrepsa, cigare, grilla, zjarre nё natyrё etj)”, thuhet në njoftim./Telegrafi/