Osmani takohet në Londër me Lord Peach, diskutojnë për dialogun dhe integrimin euroatlantik të Kosovës

08/05/2023

Presidentja e vendit, Vjosa Osmani gjatë qëndrimit të saj në Londër ka takuar të Dërguarin Special të Mbretërisë së Bashkuar, Lord Peach, shkruan Reporteri.net.

Këtë e ka bërë të ditur vetë ajo përmes një postimi të bërë në Twitter, ndërsa theksoi se me të ka diskutuar edhe për zhvillimet e fundit, përfshirë dialogun Kosovë-Serbi.

Osmani gjithashtu me Peach ka diskutuar edhe për integrimin euroatlantik të Kosovës, dhe bashkëpunimin e shtetit tonë me Britaninë e Madhe.

“Derisa isha në Londër, u takova gjithashtu me të dërguarin special të Mbretërisë së Bashkuar për BB Lord Peach. Diskutuam zhvillimet e fundit duke përfshirë hapat e rëndësishëm në dialog, integrimin euroatlantik të Kosovës, si dhe domosdoshmërinë për të forcuar më tej lidhjen dhe bashkëpunimin tonë me Britaninë e Madhe”, ka shkruar Osmani në Twitter./Reporteri.net/

Written by: ClubFm Kosova

Rate it