Osmani pas takimit me Escobarin: Kosova e gatshme për t’u angazhuar më shumë në intensifikimin e dialogut

Presidentja Vjosa Osmani pas takimit me dërguarit e posaçëm të SHBA-së për Ballkanin Perëndimor, Gabriel Escobar, në një konferencë për media ka thënë se Kosova është pala konstruktive në dialog si dhe është e gatshme që ta rris angazhimin.

Tutje, Osmani tha se ka shprehur shqetësimin për mos respektimin e marrëveshjeve nga Serbia.

Mes tjerash, e para e shtetit tha se Kosova nuk mund të jetë vend i vogël duke punuar me ShBA-në.

“Historia dëshmon se angazhimi i SHBA në Kosovë është i pazëvendësueshëm. Për ne është e rëndësishme mbështetja nga aleatet tanë. Potencova rëndësinë e dialogut ndërmjet dy vendeve tona. Ne takim shprehja angazhimin ndaj synimeve tona të përbashkëta. Sot diskutuam edhe nevojën për të ecur përpara në procesin dialog. Kosova është pala konstruktivë në këtë proces dhe është e gatshme të rrisë angazhimin e saj ne menyre qe te intensifikohet procesi i dialogut. Shpreha shqetësimin për mos zbatimin e marrëveshjeve nga ana e Serbisë. ShBA nuk kanë aleatët më të madh se Kosova. Ne mund të jemi vend i vogël por duke punuar me ShBA do të vazhdojmë të punojmë së bashku. Kemi adresuar çështje në interes të përbashkët në rajonin tonë. Ne mezi presim këtë koordinim të përbashkët”.