Orlando Bloom zbulon se si ra në dashuri me Katy Perryn

Aktori Orlando Bloom u shfaq së fundmi në “On Purpose and What Now?” me Trevor Noah, teksa ka folur për lidhjen e tij me këngëtaren Katy Perry, me të cilën është bashkë prej tetë vitesh.

Ai u shfaq për të diskutuar për serialin e tij të ri “Orlando Bloom: To The Edge”, i cili transmetohet në Peacock, por përfundoi duke folur për jetën e tij personale me Katy.

Ylli i famshëm ndër të tjerash tregoi se si ra në dashuri me të.

“Katy e urren kur e them, kështu që duhet të jem e kujdesshme me fjalët e mia, por muzika e saj ishte kudo. Ishte në të gjitha stacionet radiofonike dhe nuk ishte diçka që unë e dëgjoja. Por u dashurova me të, ajo vajzë vjen nga Santa Barbara”, tha ai.

Ai thotë se tek vetja sheh ndryshime që kur është me këngëtaren.

“Në një farë mënyre, marrëdhënia ime është mundësia më e madhe për rritjen time të vazhdueshme dhe e di që ne të dy e shikojmë në atë mënyrë. Kështu që ne rritemi. Katy më kërkon llogari dhe unë përpiqem t’i rezistoj kësaj”, tha Orlando.

“Ajo kërkon patjetër që unë të rritem dhe ndihem sikur po bëj të njëjtën gjë për të”, thotë ai.

Ai më parë tha se Katy është mbështetësja e tij më e madhe.

“Ne e mbështesim plotësisht njëri-tjetrin në të gjitha përpjekjet tona. Por nuk mendoj se ajo e kuptoi plotësisht atë që po bëja derisa më pa duke u kthyer nga puna nën presion dhe stres të madh”, tha ai. /Telegrafi/