Një tërmet i fuqishëm me magnitudë 6.4 godet Kaliforninë

Një tërmet i fortë me magnitudë 6.4 goditi brigjet e Kalifornisë veriore të martën.

Kështu, sipas mediave të huaja, përcjell Telegrafi, ka bërë të ditur Shërbimi Gjeologjik i Shteteve të Bashkuara.

Siç bëhet e ditur më tej, tërmeti ishte në një thellësi prej 16.1 km, tha USGS, duke shtuar se ai goditi 12 km në perëndim-jugperëndim të Ferndale, Kaliforni.

Deri më tani, nuk u lëshua asnjë paralajmërim për cunami.

Ndërkohë thuhet se lëkundjet çuan në humbjen e energjisë elektrike të mijëra njerëzve – ndërsa nuk raportohet për dëme materiale apo për lëndime dhe viktima. /Telegrafi/