Në këtë datë shpallet kryeministri i ri britanik

Udhëheqësi i ri i Partisë Konservatore qeverisëse të Mbretërisë së Bashkuar, i cili do të pasojë Boris Johnson si kryeministër britanik, do të shpallet më 5 shtator, tha të hënën organi përgjegjës për zgjedhjet e udhëheqjes së re konservatore.

Po ashtu, u përcaktuan orari dhe rregullat e lojës për zgjedhjet, të cilat zyrtarisht do të hapen dhe gjithashtu do të mbyllen për nominimet të martën, transmeton Gazeta Express.

Rregulloret e reja të votuara nga komiteti i kësaj partie gjatë një takimi vendimtar të hënën nënkuptojnë se anëtarët konservatorë të Parlamentit, të cilët e duan postin e të parit të partisë, duhet të kenë mbështetjen e të paktën 20 deputetëve të tjerë konservatorë për të hyrë në votim. Këta kandidatë do të kenë nevojë për të paktën 30 vota për të kaluar në raundin tjetër, ose pak më pak se 10 përqind të deputetëve konservatorë.