Ndërtesa e Qeverisë së Kosovës do të ndriçohet me ngjyrat e flamurit të Turqisë

Kryeministri Albin Kurti në mbledhjen e sotme tha se ndërtesa e Qeverisë së Kosovës do të marrë ngjyrat e flamurit turk në shenjë nderimi për të gjitha viktimat që humbën jetën nga tërmeti.

“Qysh në mëngjes sot kam marrë iniciativë që ndërtesa e Qeverisë së Republikës së Kosovës të ndriçohet me pamjen dhe ngjyrat e flamurit të Republikës së Turqisë”.

“Do të diskutojmë se çka mund të bëjmë shtesë për të ndihmuar njerëzit që u goditën në një mënyrë kaq tragjike e fatale. Urojmë që shërimi i të plagosurve të jetë sa më i shpejtë dhe i plotë”. /Express/