Murati njofton se është rihapur aplikimi për mbështetje për punësimin e vajzave dhe grave, ky është kushti

Ministri i Financave, Punës dhe Transfereve, Hekuran Murati, ka njoftuar se është rihapur masa 1.3, që ka të bëjë me punësimin e vajzave dhe grave, raporton Express.

Sipas Muratit, duke filluar nga ky muaj e deri më 15 prill, bizneset që hapin vende të reja pune për vajza e gra do të mbështeten me deri në 50% të pagës për 3 muajt e parë, sipas kushteve dhe kritereve të përcaktuara me vendim.

“Pas suksesit të jashtëzakonshëm të masës 1.3 gjatë vitit që po lëmë pas, ku u punësuan afër 5 mijë vajza dhe gra, kemi vendosur që të rihapim këtë masë edhe njëherë. 👷‍♀️🗓️Pra, nisur nga ky muaj e deri më 15 prill, bizneset që hapin vende të reja pune për vajza e gra do të mbështeten me deri në 50% të pagës për 3 muajt e parë, sipas kushteve dhe kritereve të përcaktuara me vendim. Kusht për kualifikim është që personi që punësoni ju si biznes, të mos ketë qenë në marrëdhënie pune më herët”, ka shkruar Murati.