Ismet Munishi largohet nga Gjilani

Ismet Munishi nuk është më trajner i Gjilanit. Trajneri i njohur kosovar ka vendosur t’i ndajë rrugët me “Skifterat”, gjashtë xhiro pa përfunduar sezoni aktual në Superligë

Gjilanasit pësuan humbje në fundjavë nga Dukagjini, duke i humbur thuajse tërësisht gjasat për titull të kampionit, ndërsa zbritën në pozitën e tretë me pikë të njëjta me Dritën.

Kohëve të fundit Munishi kishte kërkuar të luhet futboll i pastër, duke shfaqur dyshime në rregullim të ndeshjeve.

Ai e ka ndërtuar një ekip solid, i cili deri dje ishte kandidat serioz për titull të kampionit të Kosovës.

Edhe pse mund të mbetet pa titull, Gjilani pritet të luajë në garat evropiane pasi deri në fund të sezonit me gjasë do të përfundojë në tri pozitat e para të ligës elitare kosovare, të cilat shkojnë në Evropë./Express/