Mijëra përdorues në mbarë botën janë ankuar për probleme me Facebook, Messenger dhe Instagram

Facebook, Instagram dhe Facebook Messenger duket se kanë pasur probleme të martën, me përdorues në mbarë botën që kanë shprehur shqetësime për diçka të tillë.

Sipas Down Detector, një faqe interneti që monitoron ndërprerje të tilla, raportet e problemeve fillimisht filluan të shfaqen rreth orës 16:55, përcjell Telegrafi.

Instagram, i cili gjithashtu është në pronësi të kompanisë mëmë të Facebook, Meta, duket se ka pasur probleme gjithashtu.

Së paku deri më tani nuk dihet se cili është shkaku i ndërprerjes.

Po sipas mediave të huaja, mijëra përdorues kanë raportuar probleme me Instagram dhe Facebook Messenger ndërsa qindra të tjerë janë ankuar për Facebook.