McGregorit i jepet shansi të luftojë për titullin e kampionit botëror

Kampioni i sapokurorëzuar i IBO-së në peshën super të lehtë, Dennis Hogan, ka bërë thirrje për një luftë të madhe kundër Conor McGregor për mbrojtjen e tij të parë të titullit.

Luftëtari legjendar i UFC-së ka tashmë një humbje si boksier profesionist pas disfatës së tij ndaj Floyd Mayweather në vitin 2017, por ka insistuar se do të dëshironte të luftonte për një titull botëror në ring. Dhe ndërsa rripi i Hogan nuk është një rrip kryesor i njohur, mund të jetë shansi i McGregor për të fituar tituj në boks brenda vetëm tek një lufte më shumë.

Hogan, vendas i Kildare, mundi Sam Eggington në Australi gjatë fundjavës, dhe ka bërë thirrje për një kthim në Irlandë ku ai do të sillte boksin profesionist në jug të vendit.

Në një lëvizje që mund ta bëjë ndeshjen edhe më të madhe, Hogan ka bërë thirrje që kundërshtari i tij të jetë McGregor, një ish-kampion i UFC-së në dy pesha.

Thirrja në fakt u bë përpara meçit, me Gary ‘Spike’ O’Sullivan një tjetër opsion, më i mundshëm për një ndeshje të tillë në Dublin. “Nëse fitoj, gjëja e parë që do të bëj është të kontaktoj (skuadrën e McGregor) dhe të them: ‘A ka ndonjë shans që Conor mund ta dëshirojë këtë?’. Do të doja të kthehesha në Irlandë dhe të kisha një mbrojtje të titullit atje. Më duhet të kthehem në shtëpi, nuk kam luftuar në Irlandë që nga ditët e mia amatore, kështu që do të ishte mirë të kthehesha atje dhe të mbroja titullin tim”.

McGregor i tha ESPN MMA në vitin 2020 përpara fitores së tij ndaj Donald ‘Coëboy’ Cerrone se ai planifikon të fitojë një titull botëror në ring pasi të fitojë dy në tetëkëndësh.