Marigona Qerkezi nominohet “Young Singer” nga International Opera Awards

Sopranoja kosovare, Marigona Qerkezi, është nominuar si “Këngëtarja më e mirë e re” nga The International Opera Awards 2023, shkruan KultPlus.

Përmes një postimi në “Facebook”, Qerkezi u shpreh shumë e lumtur për këtë nominim.

“Të dashur miq, jam e emocionuar të ndaj lajmin e mrekullueshëm që jam nominuar në kategorinë ‘Këngëtarja e re’ e The International Opera Awards 2023!”, shkruan ajo.

Qerkezi shprehet se kjo njohje do të thotë shumë për të dhe falenderon përzemërsisht secilin që e mbështetu në këtë rrugëtim të bukur. /KultPlus.com