Madonna thotë se është penduar për të dyja martesat

Madonna nuk u përmbajt ndërsa iu përgjigj 50 pyetjeve të fansave në lidhje me albumin e saj të ardhshëm, karrierën katër dekadash, kënaqësive dhe pendimeve më të mëdha.

Në një video të re, të ngarkuar në kanalin e saj në YouTube të martën (30 gusht), ylli i popit 64-vjeçar kishte një përgjigje çuditërisht të sinqertë kur u pyet se cili vendim “shikon prapa” dhe kupton se “nuk ishte ideja më e mirë”.

“Martesa. Të dyjat!”, deklaroi këngëtarja e “Holiday”, duke aluduar në martesat e saj të kaluara me Sean Penn, 62 vjeç, nga 1985 në 1989 dhe Guy Ritchie, 53, nga 2000 deri në 2008.

Gjatë intervistës, ajo vazhdoi të zbulojë ‘obsesionin e saj të preferuar’ që është seksi dhe se nëse nuk do të ishte muzikante do të ishte mësuese shkolle, shkruan DailyMail.

Kur u pyet se si vazhdon të gjejë frymëzim në një botë që është kaq e ndryshme nga ajo kur filloi, interpretuesja tha se nëse je një person kurioz dhe i kushton vëmendje jetës, nuk do të ndalosh kurrë së frymëzuari.

Shtatë herë fituesja e “Grammy”-it gjithashtu shprehu zemërim se do të dëshironte të bashkëpunonte me Kendrick Lamar përpara se të pranonte pjesën ‘më të vështirë’ të punës në filmin e saj të ardhshëm biografik ‘duke ‘mbushur’ ‘tërë jetën e saj në një film të gjatë’.

Më vonë, ajo vlerësoi seksin si diçka që e ndimon që ajo të vazhdojë punën dhe se do t’i pëlqente të punonte përsëri me Britney Spears, 19 vjet pasi publikuan këngën e tyre të suksesshme, “Me Against The Music”.

Më parë, nëna e gjashtë fëmijëve pranoi se nuk ishte në gjendje të ‘shprehej’ si artiste ndërsa ishte e martuar me Ritchie.

“Ka pasur raste që jam ndjerë e burgosur. Nuk më lejohej të isha vetvetja”, tha ajo për The Sun në vitin 2015.

“Duhet të gjesh dikë që pranon atë që je dhe është rehat me këtë”, ishte shprehur ajo.

Më parë, Madonna tha se do të preferonte ‘të goditet nga një tren’ sesa të ecë përsëri në altar.

Në vitin 1991, Madonna e quajti Penn ‘dashurinë e jetës së saj’ gjatë një dokumentari dhe dyshja kanë mbajtur një marrëdhënie miqësore gjatë viteve.

Madonna ka gjashtë fëmijë, duke përfshirë Lourdes, 25, Rocco, 22, David, 16, Mercy, 16 dhe binjakët Estere dhe Stella, të dy dhjetë.

Ajo aktualisht është në lidhje me modelin Andrew Darnell, 23 vjeç, i cili është 41 vjet më i ri. /Telegrafi/