Macron refuzon të thotë se Rusia po kryen gjenocid

Presidenti i SHBA-së Joe Biden ishte i drejtpërdrejtë në komentet e tij për Rusinë, duke e quajtur sulmin e saj në Ukrainë “gjenocid”.

Megjithatë, Emmanuel Macron, i cili ka qenë një lojtar i madh në përpjekjen për të bindur Vladimir Putin për t’u tërhequr nga Ukraina, ka refuzuar të shkojë aq larg.

“Do të isha i kujdesshëm me terma të tillë sot sepse këta dy popuj (rusët dhe ukrainasit) janë vëllezër”, tha ai sot në mëngjes.

Macron aktualisht po e zhvendos fokusin në betejën e tij të ardhshme zgjedhore me Marine Le Pen, e cila ka përfituar nga puna e kundërshtarit të saj për Rusinë për t’u zhvendosur më lart në sondazhe, raporton Sky News.