Macron kërcënon me vizat: Fjala s’po mbahet

“E them me shumë qartësi, kemi bërë një gjest mirëbesimi për çështjen e vizave. Sa i përket Francës, kjo është pezulluar për shkak të fjalës së dhënë, e cila edhe sot nuk është mbajtur. Po e pres një angazhim serioz të të dyja autoriteteve për të lëvizur përpara në javët e ardhshme. Madje është kusht kyç për paqe edhe në rajon”, ka thënë ai.

Macroni ka thënë se pret nga Kosova e Serbia që t’i riorganizojnë zgjedhjet në veri e të ketë pjesëmarrje të plotë të serbëve në to, dhe më pas të njihet edhe Asociacioni i komunave me shumicë serbe në Kosovë. Ka thënë se pret përgjegjësi edhe nga presidenti i Serbisë, Aleksandar Vuçiq, për të dënuar sulmin ndaj Policisë së Kosovës në Banjskë të Zveçanit.

KOHA ka kërkuar përgjigje nga Ministria e Punëve të Jashtme të Kosovës lidhur me këtë deklaratë, për shkak të interpretimeve të ndryshme se tashmë Franca ka vendosur për pezullim. Sapo të ketë përgjigje, artikulli do të përditësohet.