Lajçak: Kurti dhe Vuçiq janë të gatshëm për takim të nivelit të lartë

Përfaqësuesi special i Bashkimit Evropian për dialogun ndërmjet Kosovës dhe Serbisë, Miroslav Lajçak ka paralajmëruar sërish takim të nivelit lartë mes kryeministrit të Kosovës, Albin Kurti dhe presidentit serb, Aleksandar Vuçiq.

 Në një intervistë  Nedeljnik, Lajçak ka thënë se edhe Vuçiq edhe Kurti janë të gatshëm për një gjë të tillë.

“Erdha në Prishtinë dhe Beograd me idenë që në korrik të përgatisim një takim mes kryeministrit Albin Kurti dhe presidentit Aleksandër Vuçiq , sepse besojmë se përveç nivelit të negociatorëve duhet të ngrihemi në nivel të liderëve”, ka thënë Lajçak.

I pyetur rreth raportimeve në Kosovë se një takim i tillë mund të zhvillohet gjatë këtij muaji, Vuçiq ka mohuar se kjo mund të ndodhë.

Ishte vetë i ngarkuari i posaçëm i BE-së për dialogun Kosovë-Serbi, Miroslav Lajçak, ai që gjatë vizitës në Kosovë kishte paralajmëruar një takim të tillë të mundshëm.

Lajçak u shpreh se beson se ka një momentum të mirë për takim ndërmjet liderëve të Kosovës dhe Serbisë, kryeministrit Albin Kurti dhe presidentit Aleksandër Vuҫiq.

Ai në vizitën e fundit qëndroi ditë në Kosovë ku takoi udhëheqësit e institucioneve të Kosovës dhe ata të partive politike opozitare dhe vizitoi disa rajone të Kosovës.

Vizita në Kosovë e të ngarkuarit të BE-së për dialogun Kosovë-Serbi u zhvillua vetëm pak ditë pasi Prishtina dhe Beogradi jetësuan një marrëveshje për energjinë për veriun e Kosovës të nënshkruar në vitin 2013. Lajçak nga Kosova paralajmëroi marrëveshje të reja Kosovë-Serbi. /Reporteri.net