Kurti publikon grafikat: Kujt iu rrit paga, sa para do t’i marrin mjekët, mësimdhënësit, policët, ushtarët…

Kryeministri Albin Kurti ka publikuar disa grafika me pagat e reja që do t’i marrin disa kategori punëtorësh të sektorit publik.

Kurti tha se me koeficientin e ri të pagave kanë bërë “barazi dhe ndershmëri për pagat në mes të kategorive.

“Barazi dhe ndershmëri për pagat në mes të kategorive, ngushtim të hendekut midis zyrtarëve të lartë dhe të tjerëve, si dhe mbështetje solide për katër kategoritë jetike për funksionimin e shoqërisë, atë të mjekëve, arsimtarëve, policëve dhe ushtarakëve”, shkroi Kurti në Facebook.

Megjithatë, me ligjin e ri të pagave, dikujt iu zvogëluan pagat. Ata, Kurti nuk i ka përfshirë në grafikë.