Kurti nuk komenton diskutimin për Asociacionin: Kabineti im po merr pjesë

Kryeministri i Kosovës, Albin Kurti, nuk ka dashur të komentojë takimin e thirrur nga Ambasada Amerikane në Kosovë, ku do të diskutohet për Asociacionin e komunave me shumicë serbe.

Kurti  vetëm tha shkurt se në atë takim është kabineti i tij qeverisës.

Vetë Kurti gjatë javës së kaluar kishte treguar se nuk ka marrë një ftesë të tillë nga amerikanët.

Në takim po merr pjesë shefi i kabinetit të tij, Luan Dalipi dhe disa ministra të Qeverisë së tij.

Aty prezente po ashtu është edhe zëvendësministrja Donika Gërvalla.