Kurti: Kosova është partnere e besueshme e miqve të saj, serbët të mos i braktisin institucionet

Kryeministri Albin Kurti u ka bërë edhe një herë thirrje serbëve që të mos i braktisin institucionet e Kosovës.

Në hapje të mbledhjes së sotme të Qeverisë, Kurti tha se deri sot në mëngjes, Policia ka shqiptuar 1 mijë e 12 qortime/vërejtje për personat që nuk i kanë zëvendësuar targat e automjeteve që i lëshon Serbia.

Kryeministri tha se Kosova është “partnere e besueshme e miqve të saj”, raporton Gazeta Express.

“Ne jemi qeveri e të gjithëve, kundër kriminelëve”, tha Kurti.