Konjufca flet për takimin me Thaçin e Veselin në Hagë: Mirë janë, kanë këto shqetësime

Kryetari i Kuvendit të Kosovës, Glauk Konjufca, sot ka folur për vizitën e tij në Hagë, ku u takua më ish-krerët e UÇK-së, që po mbahen në paraburgim.

Ai tha se ata janë mirë me shëndet dhe shumë të fortë me vullnet, por kanë shqetësime për disa shkelje që po bëhen nëpër procedura për të cilat nuk ka mekanizëm të ankesës.

“Ata janë të pakënaqur siç është krejt populli i Kosovës sepse aktakuza lë hapësirë për inkriminimin e UÇK-së si të tillë’’, shtoi ai.

“Kjo gjykatë që nga themelimi ka qenë e njëanshme. Nuk e di por është e rëndësishme të jemi më afër me njëri tjetrin dhe ta kalojmë këtë sfidë. Ata kanë respekt për institucione dhe edhe ne duhet të jemi afër tyre sepse mendoj që larg qoftë aktakuza konfirmohet mendoj që nuk është çështje e dënimit të individëve por dëmtohet UÇK”.