Komuna e Prishtinës po bëhet gati për krizën e dimrit: Ndan 300 mijë euro për gjeneratorë nëpër shkolla

Prishtina ka ndarë 300 mijë euro për furnizim dhe montim të gjeneratorëve në institucionet arsimore si dhe nevoja të Komunës.

Kjo është bërë e ditur nga Komuna e Prishtinës përmes publikimit të kontratës.

Ndërsa thuhet se nga Komuna është duke u planifikuar të blihen edhe 40 copë bateri akumulator, 100 ampera dhe 20 copë bateri akumulator 200 ampera.

Kriza energjetike në Kosovë është shkaktuar për shkak të pamundësisë financiare së Kompanisë për Distribuimin e Energjisë Elektrike në Kosovës (KEDS) për të blerë energji nga jashtë.

Njoftimi për ndërprerjen e energjisë elektrike në periudha të ndryshme, është protestuar ashpër dhe masivisht nëpër rrjete sociale nga qytetarët, prandaj qeveria e ka trajtuar me urgjencë situatën.

Gjatë muajit gusht vendi është ballafaquar me reduktime të rrymës.