Komisioni për Buxhet pajtohet me koeficientin 105 euro

Komisioni për Buxhet, Punë dhe Transfere ka miratuar Projektligjin për ndarjet buxhetore për vitin 2023, i cili mundëson rritjen e pagave në sektorin publik, në bazë të vlerës së koeficientit 105 euro.

Para komisionit, Projektligjin e arsyetoi ministri i Financave, Hekuran Murati.

Ai tha se kjo është rritja më e madhe e pagave në sektorin publik.

Sipas tij, koeficienti prej 105 eurove është i pastër, derisa tha se shtesat do të vazhdojnë të parapara në bazë të ligjit.

Mirëpo, deputeti i PDK-së, Mërgim Lushtaku u shpreh kritik ndaj ministrit Murati. Ai kërkoi që vlera e koeficientit të jetë 130 euro./KP/