KDI kritikon Kuvendin për mungesë të kuorumit

Plot 699 herë kanë munguar deputetët e Kuvendit të Kosovës gjatë seancave plenare, në gjashtë muajt e parë të vitit 2022. Kjo ka bërë që 23 seanca plenare të dështojnë në mungesë kuorumi në sesionin pranveror të legjislativit.

Agnesa Haxhiu nga Instituti Demokratik i Kosovës, përgjegjëse për këtë e bëri shumicën parlamentare që nuk ka arritur të sigurojë mbi 61 deputetë të saj.

Ndërkohë, tha se opozita është treguar konstruktive në miratim të marrëveshjeve ndërkombëtare.

Megjithatë, ajo tha se gjatë sesionit pranveror, janë miratuar 43 projektligje, që sipas saj është përqindje e lartë. /KosovaPress/