Katër mënyra se si të shmangni stresin përpara provimit për patentë-shofer

Të gjithë e presim me padurim lejen tonë të parë për të drejtuar veturën pasi e lidhim atë ndjenjë me lirinë për të lëvizur kudo që dëshirojmë

Për të marrë lejen, së pari duhet të kalojmë testet e nevojshme që vlerësojnë se jemi të aftë për të drejtuar një mjet, në mënyrë që të mos rrezikojmë jetën tonë ose jetën e këmbësorëve kur më në fund drejtojmë një veturë.

Si çdo test tjetër, edhe ai i patentës krijon një sasi të konsiderueshme stresi, i cili nuk është i dobishëm për shëndetin tuaj ose për arritjen e përqendrimit të nevojshëm për të kaluar provimin.

Në këtë artikull do t’ju japim disa këshilla se si të përballoni stresin gjatë provimit të drejtimit:

1. Bëni një pushim para testit

Një nga mënyrat më të mira për të qetësuar ankthin është të bëni një pushim të mirë. Nëse flini mjaftueshëm para provimit të patentës, përqendrimi juaj do të jetë në 100%, duke ju lejuar të kushtoni vëmendje çdo detaji pa vështirësi. Mos harroni se drejtimi kërkon që të jeni vigjilentë dhe të qetë në çdo moment.

2.Organizoni kohën tuaj

Nëse ka një gjë që mund t’ju vjedhë paqen menjëherë, është ndjenja se po garoni me kohën. Për të shmangur këtë ngarkesë stresi të panevojshme, gjëja më e mirë që mund të bëni është të organizoheni dhe të dilni nga shtëpia herët, duke marrë parasysh mundësinë e trafikut të rënduar. Nëse është e mundur, përpiquni të jeni 15 minuta para, në mënyrë që të mund të relaksoheni para provimit.

3. Merrni frymë thellë: Është koha për provim

Provoni të qëndroni të qetë. Nëse keni studiuar rregullat e trafikut dhe keni përfunduar trajnimin praktik, nuk ka asgjë për t’u shqetësuar, provimi është një formalitet; njohuritë dhe aftësitë janë tashmë tuajat, prandaj merrni frymë dhe përqendrohuni!

4. Kujdesuni për udhëzimet që ju jepen

Kur të jeni para testit, mos u stresoni! Bëni pyetjet e nevojshme nëse diçka nuk është e qartë për ju dhe qëndroni të qetë dhe vigjilentë. Kur të jeni gati të filloni provimin praktik, vendosni rripin e sigurimit, rregulloni vendin tuaj, kontrolloni pasqyrat dhe kërkoni nga pasagjeri juaj të vendosë rripin e tij. Tani ju duhet vetëm të ndiqni udhëzimet që insktruktori do t’ju japë.

Ka 1000 mënyra për të kontrolluar nervozizmin tuaj, secili person është ndryshe dhe përballet me përvojat në mënyrën e tij ose të saj, por një gjë që nuk do të dështojë kurrë për askënd është një qëndrim pozitiv ndaj situatave dhe besimi në vetvete. /Telegrafi/