Jacob Elordi mund të bëhet James Bond i ri?

Spekulimet rreth aktorit australian Jacob Elordi po rriten me shpejtësi, teksa mediat sugjerojnë se ai mund të zëvendësojë Daniel Craig në rolin legjendar të agjentit 007.

28-vjeçari ka qenë në qendër të vëmendjes së publikut për interpretimin e tij si Heathcliff në filmin Wuthering Heights, i drejtuar nga Emerald Fennell, si dhe për nominimin e tij për Oscar për performancën në filmin Frankenstein të Guillermo del Toro.

Sipas disa raportimeve, Elordi thuhet se ka pasur një takim me regjisorin Denis Villeneuve, i cili do të drejtojë filmin e ardhshëm Bond 26, prodhuar nga Amazon/MGM. Një burim i famshëm i thashethemeve, DeuxMoi, pretendon se aktorit i është ofruar roli i famshëm i spiun-it britanik.

Nëse kjo konfirmohet, Elordi do të bëhej australiani i dytë që luan James Bond, pas George Lazenby, i cili interpretoi rolin në filmin On Her Majesty’s Service në vitin 1969.

The Independent e cilësoi Elordin si një zëvendësues të shkëlqyer për Craig, duke përmendur karizmën dhe magnetizmin e tij, ndërsa The Telegraph kritikon lartësinë e tij, duke e quajtur “superspiuni i ri me lartësi të frikshme”.

Mes fansave ka debate edhe mbi origjinën e aktorit, disa duke argumentuar se James Bond duhet të mbetet britanik. Emra të tjerë të përfolur për rolin përfshijnë Idris Elba, Henry Cavill, Callum Turner dhe Aaron Taylor-Johnson./KultPlus.com