Ishte ylli i Eurovisionit, shumëkush nuk e dinte se Hannah Waddingham ka luajtur në “Game of Thrones”

Hannah Waddingham kënaqi shikuesit e Eurovision Song Contest në rolin e prezantueses së festivalit dhe shumëkush nuk e dinte se ajo është shfaqur në sezonin e pestë dhe të gjashtë të serialit të popullarizuar, “Game of Thrones”.

48-vjeçarja, përkrah fitueses Loreen, ishte padyshim fytyra më e paharrueshme e Eurosong të këtij viti, që u mbajt në Liverpul. Duke pasur parasysh se ajo është aktore, shumë njerëzve iu ka ikur fakti se ajo shfaqet në seriale shumë të njohura.

Derisa roli i saj më i njohur është në serialin “Ted Laso”, Waddingham shfaqet edhe në serialin e njohur, “Game of Thrones”. Në sezonin e pestë dhe të gjashtë të serialit të HBO, ajo luajti personazhin e Septa Unella dhe pati një përvojë shumë traumatike në xhirime që përfshinin 10 orë në ujë.

“Unë isha e lidhur në një tavolinë prej druri atje për 10 orë me rripa të mëdhenj. Dhe padyshim, përveç lindjes (së fëmijës), ishte dita më e keqe në jetën time”, kishte deklaruar në një intervistë për Collider.

Hannah ishte në rolin e prezantueses së spektaklit në gjysmëfinale dhe finale të Eurovisionit dhe i magjepsi shikuesit me zërin dhe shtatin e saj, derisa videot duke lexuar rregullat e votimit në frëngjisht u bënë shumë shpejt hit në rrjetet sociale. /Telegrafi/