Informatë me rëndësi për ata që qarkullojnë në Prishtinë: Vetëm këto automjete lejohen në rrugën “Xhorxh Bush”

13/01/2023

Bulevardi “Xhorxh Bush”, që i bie rruga që ndan Katedralen e qytetit dhe kampusin universitar do të rihapet për qarkullim, por vetëm për disa automjete të caktuara.

Komuna e Prishtinës ka njoftuar se që nga sot, 13 janar, nëpër atë rrugë mund të kalojnë vetëm autobusët e Trafikut Urban, taksitë dhe automjetet e policisë, zjarrëfikësve apo autoambulanca.

Njoftimi i plotë i Komunës:

Të dashur qytetarë të Kryeqytetit,

Ju njoftojmë se pas përfundimit të intervenimeve në infrastrukturën rrugore dhe pas vendosjes së shenjëzimeve, nga sot, me datë 13 janar 2023, sheshi “Xhorxh Bush” është hapur për linjat e Trafiku Urban Prishtinë, taxit dhe veturat emergjente (policia, zjarrfikësit, auto-ambulancat), të cilët do të kenë qasje në këtë shesh me shpejtësi të kufizuar të qarkullimit prej 20km/h.

Ju falënderojmë për mirëkuptim.

Written by: ClubFm Kosova

Rate it