Gërvalla i prezanton dy projekte për diasporën

Nga 27 korriku e deri më 7 gusht do të mbahet “Karvani i Diasporës”. Kështu tha sot ministrja e Punëve të Jashtme, Donika Gërvalla, gjatë një konference për media.

“Programi i dytë i cili është fillimisht një program pilot është një program që ka të bëjë me diplomacinë publike. Është një interesim i natyrshëm i Republikës që të rinjtë që janë lindur e rritur në diasporë që ta njohin Kosovën përtej lidhjeve familjare”, ka thënë Gërvalla.

“Është program lidershipi i cili është i dizajnuar që të zgjasë 6 muaj. Ky program është si pjesë e ndërlidhjes së strategjisë për diplomaci qytetare. Ftoj të gjithë të rinjtë dhe të rejat që të jenë pjesë e programit dhe të presim një ndërlidhje të tyre”, ka deklaruar ajo. /Express