Fajon: Të gjithë jemi të shqetësuar, të fillojnë negociatat për planin franko-gjerman

Ministrja e Punëve të Jashtme e Sllovenisë, Tanja Fajon tha nga Prishtina se “të gjithë jemi të shqetësuar për rreziqet e sigurisë në Ballkanin Perëndimor”, ndërsa shtoi se Kosova duhet të përpiqet t’i normalizojë marrëdhëniet me Serbinë.

“Duhet të fillojnë negociatat në lidhje me propozimin e Bashkimit Europian lidhur me normalizimin e plotë të marrëdhënieve”, tha ajo në një konferencë të përbashkët për media me kryediplomaten kosovare, Donika Gërvalla, pas takimit që patën.

“Unë e njoh Kosovën dhe Kosovës do t’i ofrojmë mbështetje për integrim”, tha ajo.

“Besoj se do të jetë hap i mirë për t’u integruar në Bashkimin Europian”, tha ajo.