E konfirmon Ministria: Në fund të muajit nis furnizimi me material për pasaporta

Në fund të këtij muaji pritet të fillojë furnizimi me material për pasaporta, letërnjoftime dhe patentë shoferë.

Kështu ka bërë të ditur Ministria e Punëve të Brendshme në një përgjigje për Gazetën Online Reporteri.net.

“Ministria e Punëve të Brendshme, ju njofton se në fund të janarit pritet të filloj furnizimin me material. Me ketë rast Ministria e Punëve të Brendshme shprehë keqardhje për situatën e krijuar dhe kërkon mirëkuptim nga të gjithë qytetarët e Republikës së Kosovës, deri në zgjidhjen e kësaj çështje”, thuhet në përgjigjen e tyre.

Ministria e Punëve të Brendshme së fundmi ka lidhur një kontratë me vlerë prej 4 milionë eurove me një kompani gjermane për furnizim me material të tillë. /Reporteri.net/