Dua Lipa uron 28 Nëntorin me vargjet e himnit kombëtar

Artistja shqiptare me famë botërore, Dua Lipa, është ndër figurat e para që ka uruar ditën e pavarësisë së Shqipërisë.

Përmes një postimi në llogarinë e saj zyrtare në Instagram, këngëtarja ka uruar festën e shqiptarëve me vargjet e himnit kombëtar.

Krahas vargjeve të himnit të shenjtë, ajo gjithashtu publikoi një fotografi të flamurit kuq e zi me shqiponjën dy krenare.

Dua Lipa, e cila me talentin e saj në muzikë ka arritur të shtrijë ndikimin e saj në botë, është një promovuese e zëshme e Shqipërisë dhe Kosovës.

Në paraqitjet e saj të shumta publike, ajo nuk ka hezituar që të flasë për prejardhjen e saj shqiptare.

Shpesh nëpër intervista dhe në ceremoni prestigjioze siç është Grammy Awards ajo i ka folur botës për Kosovën.

Madje nëpër intervista të shumta të huaja, ajo ka folur edhe në shqip, duke vulosur edhe njëherë dashurinë që ka për vendin. /Telegrafi/