Dikush pretendon se ka zbuluar “mashtrimin” për të fituar në ‘makinat me kthetra’, çdo herë

Një lojtar i pasionuar është bërë viral pasi pretendon se ka gjetur “mashtrimin” për të fituar nga një lodër nga ‘makina e kthetrave’, çdo herë.

Sipas mediave të huaja, përcjell Telegrafi, TikTokker-i Brandon postoi një video që pretendohet se zbulon mënyrën e thjeshtë por efektive për marrjen e çmimeve nga makinat jashtëzakonisht të vështira duke shtypur butonin për herë të dytë.

“Ju jeni gënjyer gjatë gjithë jetës tuaj – sekreti i makinës së kthetrave”, ka shkruar ai, duke shtuar se për të përqendruar kthetrën mbi çmimin që po kërkon, goditni butonin për të ulur “vinçin”.

Dhe sapo “kthetrat” përpiqen të kapin lodrën, shtypni përsëri të njëjtin buton në mënyrë që të kap lodrën mirë.

“Nëse nuk e shtypni përsëri, nuk do të fitoni”, ka thënë ai në videon e cila që atëherë ka grumbulluar miliona shikime.

Videoja u përmbyt me komente nga shikuesit që donin të provonin një trik të tillë dhe të tjerët duke pretenduar se funksionon çdo herë.

Megjithatë, disa ishin skeptikë duke thënë se ky trik është efektiv vetëm në disa makina.