Dalin në shitje Seritë e Apple iPhone 14, Apple Watch 8 dhe Watch SE

Vetëm një javë pasi u prezantuan, tre nga modelet e reja të iPhone 14 kanë dalë në shitje tek vendet e valë së parë, e bashkë me telefonat në shitje kanë dalë edhe dy orët e reja.

Mund ta blini njërën ose disa nga pajisjet tek dyqani juaj lokal i Apple, në apple.com, tek aplikacioni Apple Store dhe shitësit e autorizuar me pakicë.

Në fotografinë e mëposhtme janë çmimet e iPhone 14, iPhone 14 Pro dhe iPhone 14 Pro Max. Ndërsa modeli Plus është ende në para-porosi, dhe do të jetë në dispozicion me datën 7 tetor, apo ndryshe pas 3 javësh.

Nga GSM Arena shkruajnë se ata do t’i rishikojnë iPhone-ët e ri, dhe se duhet të presim për analizën e tyre për konfigurimin e ri të kamerës tek versionet Pro, një vështrim në hendekun e performancës në mes të çipave Apple A15 dhe A16 dhe gjëra të tjera.

Gjithashtu nga sot, në dispozicion do të jenë edhe orët e reja të Apple Watch Series 8 dhe Apple Watch SE i rinovuar. Në foton e mëposhtme janë çmimet e tyre. Ndërsa modeli më i avancuar, Ultra, do të jetë në dispozicion javën e ardhshme.

Data 23 shtator, do të jetë data kur bashkë me modelin Apple Watch Ultra në dispozicion do të jenë edhe kufjet e reja AirPods 2 Pro.

Kjo është lista e disa prej vendeve të valës së parë: Australia, Kanadaja, Kina, Franca, Gjermania, India, Singapori, Spanja, Emiratet e Bashkuara Arabe, Mbretëria e Bashkuar, Shtetet e Bashkuara të Amerikës dhe 30 rajone dhe shtete tjera, duke përfshirë edhe Arabinë Saudite.

Ndërsa vendet e valës së dytë janë shtete si Malajzia, Turqia, dhe 20 shtete dhe rajone të tjera. /Telegrafi/