Çanta në formë pëllumbi bëhet trend, ka një çmim prej 739 eurosh

Jemi mësuar të shohim personazhe të famshëm duke bartur qentë e vegjël me çamta si një aksesor mode.

Tani si duket po bëhet trend një çantë në formë pëllumbi, transmeton Telegrafi.

Çanta me një çmim prej 739 eurosh nga firma britanike JW Anderson është e printuar me 3D, dhe ka madhësinë sa të një pëllumbi real. Kjo çantë mund të bartë një telefon dhe një portofol të vogël.

Aksesori mund të hapet duke ngritur krahun e djathtë të pëllumbit, që ka logon e markës së printuar në brendësi.

Firma thotë se është e projektuar për t’u mbajtur në dorë, kështu që personi mund të duket sikur po mban zogun në duar.

Çanta ka pushtuar botën e modës, duke u shitur në dyqane dhe është në dispozicion vetëm për t’u porositur paraprakisht në internet – për transport në shkurt.

Yjet sikurse Sarah Jessica Parker dhe Sam Smith janë parë me këtë aksesor interesant. /Telegrafi/